Hussein Sabrie

Nolol adag oo uu wax badan ku bartay ayuu ku soo koray. Dabeecad wanaagsan oo uu ka helay qof kasta oo la dhaqmay ayuu Alle ku deeqay. Diin iyo dowladnimo lagu baraaray ayuu Alle caalamka ugu soo dhiibay, reerkiisa ayaase ku colaadiyay farriintii uu Alle uga siday. Waa la dhibay, waa la go'doomiyay, gabadhihiisii ayaa loo furay, wuxuuna ka badbaadiyay iskudayo badan oo la doonayay in lagu qaarijiyo. Naftiisa ayuu kala cararay magaaladiisii Maka ee uu ku soo barbaaray. Markii   uu magaalada ka baxayay ayuu dib u soo eegay, wuxuuna yiri: "Wallaahi Makaay ifka adiga ayaan kuu jeclahay, haddii aysan dadkaadu iga kaa saarinna kaama tageen" Magaalada Madiina oo looga gacanhaatiyay ayuu u hijrooday, 14 cisho ayay ku qaadatay in uu gaaro, 1442 sano kahor maanta oo kale ayuuna galay Madiina oo saldhig u noqotay, caalamkana uga faafiyay farriintii uu u siday. "Ma laheyn Facebook, Whatsapp, Twitter iyo Instagram, wuxuuna maanta leeyahay 1.8 bilyan oo Followers ah, qofkaasi waa ...

 Waxbarashadaadu waxba ma gasho haddii aadan wacyi ku kabin oo aadan la jaanqaadi karin waaqica iyo xaaladda lagu jiro, aadanna ku kala fahmi karin sida fiican iyo sida ay wax yihiin.  Maanta waxaan Facebook soo dhigay qoraal aan uga hadlay wiil yar oo 8 jir ah oo aan KM4 kabaha uga caseystay, oo ii sheegay in loo soo diiday in uu garoonka galo, si uu kabaha ugu soo caseeyo dadka ku jira garoonka oo uu ka heli lahaa lacag fiican. Dhawr qof ka mid ahaa dadkii faallooyinka dhiibtay ayaa igu dhaliilay in aan xuquuqda wiilkaas yar meel uga dhacay maadaama aan kabaha ka caseystay. Aan ku hadalqabsado Dr. Ismail Jeyte oo igula taliyay in aan luujito iyo buraash guriga geysto oo aanan kabo ka caseysan ilmo aan qaangaar aheyn, maadaama ay taasi ka hor imaaneyso xuquuqda caalamiga ah ee carruurta. Hadalka Dr. Jeyte waa gar, waana gardarro. Waa gar markii la joogo dal ay carruurtu heystaan waxbarasho, caafimaad iyo daryeel dowladeed. Balse waa gardarro markii la joogo Soomaaliya oo ay c...

Maalin hore waxaan daawaday Sh. Xasaan Xuseen Aadam oo ka sheekeynaya culimaddii Itixaadka. Wuxuu yiri: Markii ay Midowgii Maxaakiimtu ka curteen Koofurta Soomaaliya way wada taageeeen Itixaadku. Balse markii ay dowladdii Cabdullahi Yuusuf Axmed Muqdisho qabsatay waxaa aragtideeda ku kala jabay Itixaadka. Itixaadkii Daarood waxay taageereen dowladda, halka Itixaadkii Hawiye ay dowladda gaaleysiiyeen. Markii Shariif Sh. Axmed la doortayna waxaa taageeray Itixaadkii Hawiye, hal ka Itixaadkii Daaroodna ay gaaleysiiyeen" Sh. Xasaan wuxuu soo xiganayaa Sh. Cabdulqaadir Gacamey oo ka mid aaa hoggaankii Itixaadka oo yiri "Dacwadii culimadii Itixaadka waxaa baabi'say qabyaalad" Dhanka kale, Xildhibaan Sakariye Maxamuud Xaaji oo aan ku xusuusto in uu mucaarad ku ahaa dowladdii Xasan Sh. Maxamuud, wuxuu ka hadli jiray waddaniyad, wuxuuna dowladda ku eedeyn jiray khiyaano-qaran. Malaheyga, sidii loo doortay madaxweyne Farmaajo ma arkin xildhibaan Sakariye oo mucaarad ah ama wad...

Markii iigu horreysay muuqiisa, 2017kii ayaan ka daawaday telefishanka Goobjoog oo uu marti ugu ahaa barnaamijka Murti iyo Maaweelo oo uu ku wareystay Cumar Seerbiya. Suugaan miisaan culus ayuu barnaamijka ka jeediyay. Maalmo kadib waxaa casuuntay xarunta Ifiye oo uu ku soo bandhigay halabuurkiisa suugaaneed iyo buug uu qoray. Waxaa ii xigtay heestiisa Difaac iyo Dagaal oo uu ka duubay telefishanka Muqdisho Cable oo ay gaari ku dhex qaadayaan ay carruur yaryar. Dadnimo iyo dabeecad dahabi ah ayaan ku bartay maaalmo aan 2018kii marti ugu ahaa magaalada Boorama oo uu waxbarasho u joogay, waxaana xusuusteyda ka go'in sidii uu iigu ahaa dhaqtar aan shahaado heysan iyo walaal aan hooyadey dhalin mar aan Boorame ku xanuunsaday oo aan goob ku wada nooleyn. Safar waxbarasho oo uu u maray halgan adag iyo dariiq aan ubax ku goglaneyn ayaa bil kahor u soo idlaaday, saddex maalin kahor ayuuna Muqdisho dib ugu soo laabtay. Saaxiibbo ka warhelay socdaalkiisa oo aan horay ugu helin fursad ay ku...