Skip to main content

Ma laheyn Facebook, Whatsapp, Twitter iyo Instagram, wuxuuna maanta leeyahay 1.8 bilyan oo Followers ah

Nolol adag oo uu wax badan ku bartay ayuu ku soo koray. Dabeecad wanaagsan oo uu ka helay qof kasta oo la dhaqmay ayuu Alle ku deeqay. Diin iyo dowladnimo lagu baraaray ayuu Alle caalamka ugu soo dhiibay, reerkiisa ayaase ku colaadiyay farriintii uu Alle uga siday. Waa la dhibay, waa la go'doomiyay, gabadhihiisii ayaa loo furay, wuxuuna ka badbaadiyay iskudayo badan oo la doonayay in lagu qaarijiyo. Naftiisa ayuu kala cararay magaaladiisii Maka ee uu ku soo barbaaray. Markii uu magaalada ka baxayay ayuu dib u soo eegay, wuxuuna yiri: "Wallaahi Makaay ifka adiga ayaan kuu jeclahay, haddii aysan dadkaadu iga kaa saarinna kaama tageen"

Magaalada Madiina oo looga gacanhaatiyay ayuu u hijrooday, 14 cisho ayay ku qaadatay in uu gaaro, 1442 sano kahor maanta oo kale ayuuna galay Madiina oo saldhig u noqotay, caalamkana uga faafiyay farriintii uu u siday.

"Ma laheyn Facebook, Whatsapp, Twitter iyo Instagram, wuxuuna maanta leeyahay 1.8 bilyan oo Followers ah, qofkaasi waa Nabi Maxamed" sidaas waxaa gaarigiisa ku qortay ruux Keenyaati ah.


Hadalkaan wuxuu i xusuusiyay, Michael Hart oo ah qoraa Mareykan ah oo 28 sano buug ka qorayay boqolka qof ee ugu saameynta badan caalamka. 42 sano ayaa laga joogaa maalinkii buuggaas la daabacay. Markii uu dhammeeyay ayuu Michael Hart wuxuu magaalada London ku qabtay bandhig ay ka soo qeybgaleen kummanaan qof, wuxuuna fagaarahaas ka sheegay in uu boqolkaas qof ugu horeeyo Nabi Muxamed. Kadibna waxaa meeshii is qabsaday buuq iyo sawaxan, maadaama ay dadkii goobta isugu yimid Kirishtaan u badnaayeen.

Michael Hart oo sharraxaya sababta uu Nabi Muxamed ugu doortay qofkii ugu saameynta badnaa ee caalamka soo maray ayaa wuxuu yiri: "Ninkaas Muxamad ah wuxuu ka soo baxay magaalo yar oo Mako la yiraahdo, wuxuuna dadka u sheegay in uu yahay farriinside uu Alle u soo diray in uu dhammeystiro dhaqammada wanaagsan, kadibna waxaa rumeeyay 4 qof oo kala ahaa xaaskiisa, saaxiibkiis iyo labo carruur ah. Maanta oo geeridiisa laga joogo in ka badan 1400 oo sano waxay tirada muslimiintu ka badan tahay 1.5 bilyan oo qof, maalin kastana way sii kordhayaan. Macquul ma aha in uu Muxamad beenloow ahaa, waayo ma jiri karto been noolaan karto 1400 oo sano, mana dhici karto in dad ka badan 1.5 bilyan ay maanta been ku wada qancaan. Waxaa kale oo cajiib ah in ay maanta jiraan malaayiin qof oo Muslimiin ah oo diyaar u ah in ay naftooda ku difaacaan sharafta Nabi Muxamed. Sababtaas ayaan rumeysanahay in Muxamed yahay qofkii ugu saameynta badnaa ee dunida soo maray"

Naxariis iyo nabadgelyo Alle ha ahaadaan Nabi Muxamed dushiisa. Waxaan marag ka ahay in uu yahay farriinside xaq ah oo uu Alle soo diray, uuna si hufan farriintaas ifka u soo gaarsiiyay.

Comments

  1. Mac_ Katimba means Coach_ KatimbaAugust 21, 2020 at 9:35 PM

    Its true story that Nabi Muxamed is a real Proghit that Choosed Allah and the last Proghit and Messenger and also the Leader of All Proghits started from Nabi Adam ( C. S. ) till Nabi Isse ( C. S. ) accordingly. Mr. Mohamed A. Jelle ( Mac_ Katimba ).

    ReplyDelete
  2. Mac_ Katimba means Coach_ KatimbaAugust 21, 2020 at 9:39 PM

    Nabi Muxamed N.N.K.H. Runlow ayuu ahaa, weligiis been ma sheegin, wuxuu ahaa Qof Aamin ah ( Trustful person ), taa waxaad ku fahmi karta in loogu magac darey Muxamed_ Amiin. Peace upon him. Thank you,

    ReplyDelete
  3. FarhiyaNovember 4, 2020 at 2:04 PM

    SCW

    ReplyDelete

Post a Comment

Fadlan wixii faallo ah halkaan iigu reeb. Mahadsanid.

Popular posts from this blog

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...
26 comments
Read more

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...
Post a Comment
Read more

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka.  Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto.  Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...
1 comment
Read more