Waxbarashadaadu waxba ma gasho haddii aadan wacyi ku kabin oo aadan la jaanqaadi karin waaqica iyo xaaladda lagu jiro, aadanna ku kala fahmi karin sida fiican iyo sida ay wax yihiin.
Maanta waxaan Facebook soo dhigay qoraal aan uga hadlay wiil yar oo 8 jir ah oo aan KM4 kabaha uga caseystay, oo ii sheegay in loo soo diiday in uu garoonka galo, si uu kabaha ugu soo caseeyo dadka ku jira garoonka oo uu ka heli lahaa lacag fiican. Dhawr qof ka mid ahaa dadkii faallooyinka dhiibtay ayaa igu dhaliilay in aan xuquuqda wiilkaas yar meel uga dhacay maadaama aan kabaha ka caseystay. Aan ku hadalqabsado Dr. Ismail Jeyte oo igula taliyay in aan luujito iyo buraash guriga geysto oo aanan kabo ka caseysan ilmo aan qaangaar aheyn, maadaama ay taasi ka hor imaaneyso xuquuqda caalamiga ah ee carruurta.
Hadalka Dr. Jeyte waa gar, waana gardarro. Waa gar markii la joogo dal ay carruurtu heystaan waxbarasho, caafimaad iyo daryeel dowladeed. Balse waa gardarro markii la joogo Soomaaliya oo ay carruurta qaar buuxiyaan booskii aabbaha, oo ay hardan adag ugu jiraan quutulyoomka qoyska, ayna u kallahaan suuqa halka ay carruurta kale waxbarasho u baxaan.
Faalladii Dr. Jeyte waxaa ku jiray erayga "Child Protection" oo aan maleynayo in aan la gaarin heer Soomaaliya laga adeegsado. Eraygaas wuxuu i xusuusiyay haweeneydii loo sheegay dad baahi u dhimanaya, ee tiri: oo dadkaas may doolshe iska cunaan?"!
Maanta ma buuxin kartid duleelka dowladeed ee ka bannaan carruurta danyarta. Sida fiican waa in ay wax bartaan oo aysan quutulyoom ka walwalin, balse xaqiiqada maanta jirto waa in ay baahan yihiin oo ay ku qasban yihiin in ay shaqeystaan. Waxa ugu weyn ee aan ku caawin karnana waa in aan ka adeeganno, oo aan ku caawinno in ay xooggooda ku shaqeystaan, si ay u soo dhiciyaan quutulyoomka qoyskooda.
"Cilmiga ha laguu dhigee,
Caqliga kaasho baa la yiri"
waxa soo xasuustay,gabadhi lagu yidhi africa gaaja loo dhiman hayaa ee tiri "oo may buscuit iyo sharaab iska cunan hadayna wax kale haysan" dhibka ina haystaa waa shayga an wax ku cabiro oo inagu aynaa lahayn.
ReplyDeleteHussein Sabriye xaqiiqda ayaad taabatay walaal, dr kana waxaan u sheegayaa riyaad ku nooshee malaa ma aragtid shacabkan naafeysan ee la dagaalamaya siduu uu cunto u heli lahaa, badanka Somalia waxa ka dhacay qaraxyo aad u badan, weeraro culus dadbay aabayashood & hooyooyinkood ku naf waayeen markaa caruurta yaa u maqan "Ceelna uma qodna Cidna uma maqna"
ReplyDeleteMarkaa waa inay iyagu nolosha iska dhiciyaan.
Husen sebriye walal wan kula qaba fikirka ah In lapower gareeyo dhalintaa booska muga weel leh ugujira dakhliga qoyska, aniga hadii la I waydiin lahaa waxaan waxbarshada Somalia ubadlilahaa mid 65% ay ardayda dhigtan dugsiyo xirfada lagubarto. Waxaa sanadkasta jamacadaha Somalia iyo kudibada kasoobaxa dhalin aad u farabadan 0.1% xirfadmasoobartan waxaa Keenay in dalkeenu shaqala aantiisu aad ubadato, gobolada Qaar sida puntland waxaa manta kajira dadkii guryaha dhisayey lagakeeno dalalka asia iyo Africa.
ReplyDeleteThis comment has been removed by the author.
ReplyDeleteImamu-shaafici baa ku gabyey:
ReplyDelete-Libaaxyadii waxay gaajo ugu le'anayaan kaymaha,
-hilibkii arigana waxaa cunaya aydii.
-Kii jaahilka ahaa wuxuu ku hurdaa sariir,
-Kii cilmiga usaaxiibka ahaana furaashkiisu waa ciidda.
Ilaahow waxaan kaabarinay cilmi na anfaca.