Skip to main content

Halgankii Sayidka

 100 sano ayaa maanta laga joogaa maalinkii uu geeriyooday. Duleedka magaalada Buuhoodle ayuu ku dhashay. Xer Suufi ah oo fadhigeedu ahaa dooxada Nugaaleed ayuu kutubo ka raacday. Xajka ayuu u safray, markii uu dalka ku soo laabtay waxaa u cuntami waysay dhaqanxumadii gumeystaha, wuxuuna goostay in uu la diriro. Ciidankii Daraawiishta ayuu unkay, wuxuuna halgan saddex geesood ah oo 21 sano socday la galay gumeystihii Ingiriiska, Talyaaniga iyo Xabashida. 

Dagaal kudhufo oo kadhaqaaq ah oo ay adkaatay in looga guuleysto ayay gumeystihii la galeen. 41 furin ayayna isku farasaareen Ingiriiska oo uu midkood uga dilay Koofil oo ahaa taliyihii ciidanka Ingiriiska. Ugu dambeyntii Ingiriiska ayaa ku soo kiciyay diyaarado dagaal, waxayna duqeyeen Taleex iyo qalcadihii kale ee Daraawiishta, taas oo sababtay in ay Taleex isaga baxaan. 

Halgan 21 sano socday oo taariikhda galay kadib, 100 sano kahor maanta oo kale[December 21, 1920] ayuu Sayid Maxamed Cabdulle Xasan wuxuu duumo ugu geeriyooday magaalada Iimey ee gobolka Soomaaligalbeed.

40 sano kadib geeridiisa ayay Soomaalidu xurnimo qaadatay. Dad badan waxay qabeen in xurriyada maalinkaas la helay ay ka dhalatay halgankii uu soo billaabay Sayid Maxamed Cabdulle Xasan. Markii Abwaan Axmed Ismaaciil Diiriye(Qaasim) oo magaalada Cadan joogo loo sheegay in Calanka Hargeyso laga taagay waa kii ku gabyay:

Allow yaa Darwiishkii farriin debecsan gaarsiiya

Allow yaa dalluuntiyo qabriga dib uga soo saara

Allow yaa dadkaagii yiraa dawladnimo qaaday

Dhaaxuu ku daakiray xaqoo naga daahsoonaaye.

Wuxuu ahaa hoggaamiye geesi ah iyo aftahan uu gabaygu u ahaa hub uu ku dagaallamo. Si gobannimo leh ayuu gumeystaha ula diriray, waxaase taariikhdiisa iyo halgankiisa barmadow ku ah qabiilladii uu laayay ee uu xoolohoodiina mooraduugay. Yeelkiise, Eebe ha u raxmado Sayid Maxamed Cabdulle Xasan.



Comments

Post a Comment

Fadlan wixii faallo ah halkaan iigu reeb. Mahadsanid.

Popular posts from this blog

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...
26 comments
Read more

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...
Post a Comment
Read more

Farriin ku socoto ardayda ka baxeysa dugsiga sare

Marka hore waxaan kuugu hambalyeynayaa safarka waxbarashada iskuulka ee maanta kuu soo idlaaday, waxaana kaaga rajeynayaa in aad ku guuleysato. Si ka duwan safarrada kale, safarka waxbarashadu wuxuu mar kasta ka billawdaa dhammaadka. Faanoole fari kama qodna e, waxaa hadda kuu billaabanaya safar kale oo kaa dalbanaya halgan iyo dadaal badan. Waa safar go'aamin doona qofka aad noqon doonto, nolosha aad mustaqbalkaada ku qaadan doonto iyo kaalinta aad bulshada ku dhex lahaan doonto. Si safarkaasi u guuleysto, waxaan kula gudboon in aad barato naftaada iyo waxa ay ku fiican tahay, kadibna aad xulato takhasus kugu habboon oo aad jeceshahay, aadna leedahay shakhsiyadda iyo kartida uu dalbanayo, suuqana ku leh fursad fiican. Tobaneeye sano kahor oo dalku burbursanaa, dadkuna dhiigbaxayay waxaan baahi badan u qabnay dad xaaladdaas la falgala, waana sababta ay ardaydeennu u barteen caafimaad iyo Injineerin, waayo waxaan u baahneyn dhaqtar dadka daweeya, iyo injineer dalka noo dhisa. Nas...
3 comments
Read more