Maalmaha Qoyska Q 3-aad

Reerka oo Jimcaha Qadmo ku balansan iyo Maamo Ashkiro oo Taageeraha Koobaad ee Qanciye noqotay ayay noo mareysay.
Subixii Jimcaha Falis waxay u yeertay Carawelo oo ah sxbted Maalmahan Garoobeyneysay, si ay uga caawiso Howlaha Cunta-Karinta Culimada.
Kushiinka ayay ku jiraan, Xan Fresh ah iyo Xusuusahoodii hore ayay ka sheekeysanayan.

Naayaahee, Ninkaada adigoo ku kacsan ayaa iigu kaa dambeysee, warka igu dhoob hee, maxaa iiga kaa dambeyay ayay Carawelo tiri.
Falis: Sxbey wax badan baa kaa dambeeyay, Qanciye Ninkaad oged maaha ayay ugusoo koobtay.
Carawelo: Nin baabkiisa iga xir. Kii Abshir ahaa waa ogeed siduu ii koolkoolinaayau inuu Naag kale ila Guursaday, Maantana waakan aniga Garoobeynaya ayay tiri.
Falis aya inta Madaxa kor usoo qaaday tiri: oo Qanciye iyo Abshir maxaa iska galay!, Waa Nin iyo Nin la'aane!. Waa ogeed inuu Abshir isagoo ku qabo aniga igu deyay; Bal waa kaase Qanciye hakusoo Hunguryeeyo ayay tiri.

Hadalkaasi Carawelo meel ayuu ka taabtay,, halkaasna ugama harine iyadoo Dhagar Damacsan ayay Maanta Dukaanka Qanciye soo gashay, Cosmetics ay iibsaneysay ayaa loo qiimeeyay, intay Lacagta tuureysay ayay Qanciye erayo kaftan ah ku tuurtay, hadalo debacsan iyo Kaftan inuu Macaamilkan qanciyo ka damacsana ayaa dhex-maray.
Waryaa Bashiiroow Qoftaan Indhaheda ayaa iga dhex-baxay ee hal Qalin-Sunni ah usoo qabo anaa Lacagtisa qabee ayu Kaftankodi kusoo dhamaaday.

Carawelo Kaftankan ujeed kale ayay ka lehed, hadalkii Labadooda dhex-marayna Taleefoonka ayay ku duubaneysay!!
Markey iridka ka baxday ayay Codkii Whatsapp-ka Falis ugu dirtay.
Galabta Bacdal Casir Falis oo Kushiinka Casho ku diyaarsaneyso ayuu Codkii u dhacay. Madax-Xanuun iyo Wareer ayay ka qaaday.
Casho ma karin oo dabkiiba way demisay, Tumin Hilib ah oo ay jarjaraysayna Maamo Tuugsaneysay ayay ku sadaqeysatay.

Hadda sxbken Qanciye oo Waxjira-Moog ah,
Bacmadoow Qudaar ahna lasii liicayo ayaa Guriga kasii socda, waasa ninkii Caqliga badnaaye Kalsoni badan aya ku qabaa inuu is xalin doono.
Kolleey Caawa xaalku ma sahlana ee bal wuxuu Guriga kala kulmo iyo siduu isu xaliyo waa inoo Haben dambe iyo hadduu Sxbken Nolol ku gaaro.

Comments

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka. Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto. Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...

Hussein Sabrie

Search This Blog