Maalmaha Qoyska Q 4-aad

Caraweelo oo belo ka talisay, Falis oo Kacsan iyo Qanciye oo Guriga kusii socdo ayay noo mareysay.
Falis oo Qolka Fadhiga ku jirta oo Dhabanada heysata ayuu u galay. Dareen Murugo xambaarsan oo uusan uga baran ayuu ku arkay.

Bac Khudaar ah uu waday ayuu istaagga ka tuuray, intuu Horteeda fariistay ayuu Labada dhaban ka shumiyay, Xabibty maxaa ku helay, uma qalantid inaad Murugooto. Qalbigeyga yar iyo Indhaheyguna ma xamili karaan inay arkaan Falis oo ilmeynaysa ee macanto maxaa ku helay ayuu ku yiri.

Deetana Cod Murugadu dhinac ka taabatay ayuu Meerisyadan ugu qaaday:
Dawadii Naftaydaay * Dadka taan ka doortaay
Dumar haygu noqonine * Waxaan kaa dareemayo
Waxaad damacday maahee * Miyaa laygu kaa diray?!

Inta ilmadii ka qubaneysay iska tirtay ayay u sheegtay waxa dareenkeda bedelay.
Si aan ka gambasho laheyn ayuu ugu jawaabay, wuxu u shegay inay Shaqadiisa tahay Qancinta Macaamiisha iyo soo dhoweyntoodu, wuxuu ka dhaadhiciyay siduu Macaamiilkiisa u Qancin karo isagoon dareen Damac u muujin. Wuxuu u sheegay in Farxadda iyo Dhoolaceyntu ay astaan u noqdeen tan iyo Maalinkuu Falis la aqal-galay.

Runtii daqiiqadna kuma fikirin inad igu tuhmi karto Naag kale, Abayo waxan aamisanaa in Kalsoonidenu dhaafsantahay halka aad ka fikireyso.
Xaqiiqatan waxad tahay sirta ka dambeysa Farxaddeyda, markan iridka gurigaaga soo galo waxan darema neecaaw farxaded, aragtidadana waxan ku halmaamaa Daal kaste oo Shaqada igasoo raacay. Abayo ma fahmi karo sida aad ku aamini karto inuu Qanciye qof kale Waqti u hayo, oo sideen u damcayaa Naag kale, ma Falis ayaan god kusoo ogaaday ayuu is weydiiyay.

Erayadaasi saameeyen Mug leh ayay ku yeeshen Qalbiga Falis, inta is-heyn waysay ayay Qanciye isku duubtay, Mahadcelin iyo Raali-gelin ayay kala dul dhacday, Xaqiiqatan wan kugu kalsoonahay Maseerna Dumar ayan u ahay, waana ka xumahay inan dood ku geliyo adigoo weli Dharkii Shaqada ku taagan ee iga raali noqo ayay ku tiri.

Maamo Ashkiro oo Daashka hore ku Tasbiixsaneysay aya iridka soo garaacday, Naa heedhe Qanciye wuu joogaa Cashana Dab kuuma saarna ee caawa see rabta ayay ku tiri.

Alla waa run, Abowe sorry Galabta siduu Madaxu ii kacsanaalee, xitaa Dab ma aanan shidin, lakin hadda ayan kala tuurayaa ayay ku tiri.
Xabibty kuumasoo guursanin inaad Cunta-Kariye ii noqoto, Caawana Casho anigaa Banaanka noogasoo iibinaya ee Nabad iyo Nolol Xabibty ayuu ku yiri.

Comments

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka. Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto. Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...

Hussein Sabrie

Search This Blog