Skip to main content

Maalmaha Qoyska Q 6-aad

Maamo Malyuun oo balaayo ka talisay, Falis oo Horor noqotay iyo Qacniye oo Dhiig-Bax Dhaqaale ku socda ayay noo mareysay.
Shalayto Falis waxay Qaraabo Salaan u aaday Guriga Walalked, waxayna kusoo aragtay Jiif Qurux-badan oo lagu Sharaxay Midabka Calanka Soomaaliya.
Qanciye ayay xalayto tusisay Sawirada Jiifkii ay kusoo aragtay Guriga Walalked, waxayna u sheegtay in Dhaqtarkii ay Maalmo kahor u tagtay kasoo sheegay Uur Labo Bilood ah ayna jimatay Jiifkan quruxda badan.
Qanciye wuxu u shegay inuusan hadda Lacag heyn ayna sugto inta Sanadkan ka dhamaanayo.
Ma sugine, Falis oo Kaashaneysa Carawelo waxay saakay iibisay Jiifkeedii hore waxayna ku kabtay Lacag ay Asbuucii hore ka shaafteysay Qanciye, waxay tageen Carwo Jiifka lagu iibiyo, waxayna dalbadeen in Jiifkii ay dooqdeen loogu Sharaxo Midabka Calanka Soomaaliya.
Sxbkey Aqwaan Xasan Jidhi oo ay Deris ahan jireen ayay Falis isku arkeen Carwada horteda waxayna ku tiri: Aqwaanow ila fiirihee, Jiifkan soow uma quruxsana sidii Calanka Soomaaliya?
Mr. Aqwaan ayaa inta Madaxa jiljilay ku yiri: Calanka Soomaliya wax ka qurxan malahan balse midabka Jiifka kuugu Sharaxan ma ahan kii saxda ahaa ee uu hindisay Maxamed Cawaale Liibaan deetana inta ku laabatay Ninkii Carwada ayay ku tiri: Adeerow iga bedal Jiifkaan waayo Midabkeedu ma ahan kan Calanki Soomaaliya ee rasmiga ah.
Dood dabadeed waxay isku fahmeen inay Lacagta kalabar baxsato loona sameeyo Jiif Labaad, markaasey inta Qanciye wacday weydiisay Lacagta Qasaaro-Qeybka ah, isna kama yeeline wuxu yiri: Falis war ma wadi karo, arinkas xalayto ayan kaala hadlay haddana Goob-Shaqo ayan joogaahe ha i qasine Jaaw.
Inta is-xanaajisay ayay ku tiri: hadde Maanta Jiifkeenni waa gadee, Caawa meeshaad jiifan lahed ayaa leeska rabaa.
Inta qosol la dhacay ayu ku yiri: War ma heyside Sanadka ayaa dhammaad ah oo Caawa Xisaab-Xir ayaan ku dhafri rabnaa, manasoo socdo ee Taleefoonka iiga bax Walaaley.
Go’aan adeyg ayay ku taqaanaye Lacagtii waxay ka bixisay Lacag uga dambeysay tii ay Qanciye ka ayuuteysay Asbuucii hore.
Caawa Carawelo iyo Falis oo Jiif cusub keensatay ayaa Guriga bagaaxayo, Qanciyena Goobtiisa shaqada ayay uga shidantahay, mana oga in Carawelo Gurigiisa Joogto!!

Comments

Post a Comment

Fadlan wixii faallo ah halkaan iigu reeb. Mahadsanid.

Popular posts from this blog

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...
26 comments
Read more

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...
Post a Comment
Read more

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka.  Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto.  Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...
1 comment
Read more