Maalmaha Qoyska Q 1-aad

Falis waa Xaaska Qanciye oo ka shaqeeyo Dukaan Cosmetics-ka lagu iibiyo.
Qanciye oo daallan wuxuu Shaqada kasoo baxaa Galabkii. Habeenkiina horay ayuu ka jiiftaa markuu Salaadda Cishe soo tukado, sida ka muuqata Jadwalkiisa iyo Daalka hayo Qanciye iyo Falis isuma helaan Waqti badan oo ay ku sheekeeystaan.

Markuu Qanciye Hurdo isu duuduubo ayay furataa Feysbuugga oo ay marmar ku aragto Sawiro ay saaxiibadeed lasoo galeen Nimankooda, markaasey Qoomamo iyo Shalaay ka gashaa Dooqeeda iyo halka uu Calafku dhigay maadaama aysan helin saaxiib u Ciyaarsiiya sidii Caruurta, Cadowgeedana ka jebiya.

Xalayto oo ay ugu darneed, Falis waxay Feysbuugga ku aragtay Sawirka Fannaan meel Fagaaro ah ku Shuminaya Xaaskiisa. Sawirkaasi wuxu sii huriyay dabkii Falis gudaha uga shidnaa, waxay iska dhaadhicisay inay Noloshaas mudneed waxayna Feysbuug ka baxday iyadoo Niyad-Jabsan xalayna si fiican uma seexan.

Ifur iyo Farxad kuguma heysto waxay ahayen erayadii ugu horeyay ee Saakayto ku dhacay Dhegaha Qanciye markuu Salaadda Subax kasoo laabtay.
Qanciye oo ah Nin Naxariis iyo Dulqaad kulansaday si degan ayuu ula hadlay Xaaskiisa, wuxuu u qiray inuu Jecelyahay, ku Kalsoonyahay, uusanna Naag kale ku doorsaneynin lakin aysan muhiim aheyn inuu Fagaaraha iyo Feysbuugga dadka uga sheego heerka uu gaarsanyahay Jaceylkoodu.
Wuxuu dareensiiyay in erayada iyo ficilada Romantic-ga ah oo ay ka daawato Filimada aysan aheyn Nolosha saxda ah ee Jiliyaashu ku heestaan Guryahooda.

Sakaay, waxaa iigu dambeysay Qanciye oo kasii baxayo iridka Gurigiisa iyo Falis oo leh: Wallahi Dumarku ma wada heystaan adiga oo kale ee Alle ha iisoo kaa Nabad-Celiyo Abowe, isaguna leeyahay Aamiin. Nabad iyo Nolol Xabibty.

Comments

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka. Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto. Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...

Hussein Sabrie

Search This Blog