Skip to main content

Qabiil mise qabyaalad?

Qoraa Khadar Cabdi Cabdillaahi ayaa muuqaal uu shalay soo dhigay Facebook wuxuu mar uu daawadayaasha barayay nin uu ka sheekeynayay wuxuu yiri "Nin reer Burco ah oo asal ahaanna reer Berbera ah, oo Ciise Muuse ah, oo Cabdalle Qoyan ka sii ah ayaa wuxuu......"
Waxaan ka helay sida fudud ee dhiirrannaanta leh ee Khadar noo baray ninkaas, deegaankiisa iyo qabiilkiisa inta uusan nooga sheekeyn.
Maalmo kahorna waxaan daawaday Feysal Cali Waraabe oo leh "Ciidagale Iyo Dhulbahante waa dhul iyo ciid, oo isku dhaqan baannu nahay"
Hadallada Feysal iyo Khadar waxay i soo xusuusinayaan su'aal uu Axmed Karaama i weydiiyay 2018. Aniga, Khaalid Foodhaadhi, Aw Guudcadde, Mohamed Irbad iyo Axmed Karaama oo Hargeysa ku sheekeysaneyna ayay saaxiibbadey dhowr jeer waxay si fudud oo aan xasaasiyad laheyn u xuseen qabiillada dad sheekada naga soo galay. Karaama oo aan weydiiyay sababta ay sidaan furan ugu dhiirran yihiin magacyada qabiilada ayaa iigu jawaabay: Ninyohow qabiilka xasaasiyad kama qabno, lama gambanno, mana isku colaadinno, balse reer koofurow munaafaqad ayaa idinka buuxda, oo qabiilka uurka waad ka ogoshihiin oo xilalka baad ku qeybsataan, afkana waad ka ilaalisaan, siyaasigii magac qabiil soo hadalqaadana in uu qabyaaladiiste yihiin ayaad ku shaabadeysaan"!
Waa run, oo hadalkii Axmed waxaan soo xusuustay mar uu Sep 2019 Sanbaloolshe ka dhawaajiyay magacyo qabiil ee qabyaaladiiste lagu tilmaamay.
Nasiibwanaag, waxaa muuqata in aan gaarnay bilowga dhammaadka xasaasiyadda qabiilka, oo halkii ay markii warbaahinteennu tebinayso dagaal ama nabad dhex martay labo beelood ay afka ka dhowri jirtay magacyada beelahaas ee ay ka dhihi jirtay "Labo beelood oo walaalo ah ayaa......" waxaan maanta arkay shir ciwaan looga dhigay “Shirka nabadeynta galbeedka gobolka Mudug ee beelaha Leelkase iyo Sacad"
Qabiilku waa kan maanta dowladnimadeennu ku dhisan tahay, ee ay Soomaalidu wax ku qeybsato, ee adiga oo aan la gamban qabiilka u adeegso ujeedkii Alle u sameeyay ee ahaa in la isku garto, balse nac, kana fogow qabyaaladda oo ah in qabiilka la isku dulmiyo, la isku dilo, la isku takooro, ama la isugu awood sheegto. Qabiilku waa fiican yahay ee qabyaaladda ayaa xun, saaxiib.

Comments

  1. UnknownJune 13, 2020 at 9:41 PM

    Masha Allah Somalia Wadada Guusha Bay Haysaa, Allah Baan Khayr Iyo Isafgarad Ka Baryanaa

    ReplyDelete

Post a Comment

Fadlan wixii faallo ah halkaan iigu reeb. Mahadsanid.

Popular posts from this blog

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...
26 comments
Read more

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...
Post a Comment
Read more

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka.  Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto.  Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...
1 comment
Read more