Skip to main content

Wasiir noqday shaqaale macaamiisha cuntada ugu geeya guryahooda!

Wargeyska Volkszeitung ee ka soo baxo dalka Jarmalka ayaa warbixin ka qoray halka uu ku dambeeyo Wasiirkii Isgaariisnta iyo Tiknoolajiyadda ee Afghanistan Sayid Axmed Saadaat. Wasiir Saadaat wuxuu hadda ka shaqeeyaa xarun ay magaalada Leipzig ee Jarmalka ku leedahay shirkad cuntooyinka fudud dadka ugu geysa guryahooda. Waxayna sawir hoose ka qaadeen isaga oo baaskiil kaxeynaya oo dalab u sii wado macaamiil cunto ka soo dalbaday shirkadda.

Sayid Axmed Saadaat wuxuu wataa baasaboor Ingiriis ah. 2005 ilaa 2013 wuxuu lataliye sare ka ahaa Wadaaradda Isgaarsiinta iyo Tiknoolajiyadda. 2013 ilaa 2018 wuxuu ahaa Wasiir-ku-xigeenka Wasaaraddaan. 2018kiina waxaa loo magacaabay Wasiirka Isgaariisnta iyo Tiknoolajiyadda ee Afghanistan.



Wareysi uu Saadaat wargeyska siiyay ayuu ku yiri "Markii aan Jarmalka imid waxaan codsaday shaqooyin badan, balse ma helin. Riyadeydu waa in aan shaqo ka helo mid ka mid ah shirkadaha isgaarsiinta Jarmalka. Hadda waxaan rabaa in aan lacag keydsado, oo si fiican wax u barto.”

Dowladda Soomaaliya waxay u dhaqan eg tahay dowladdii Afghanistan ee lagu kala cararay. Cashir iyo cibro ayayna u tahay Soomaaliya oo dadka dowladda xilalka ka haya ay la mid yihiin Wasiir Saadaat. Halkaas oo kale ayuu ku dambeyn doonaa dal kasta oo ay musuqa iyo ninjecleysigu dhaqan ka noqdaan. Soomaaliya jidka Afghanistan ayay hadda haysaa ee tolow halkee Wasiirradeennu ku dambeyn doonaan haddii Xamar lagu kala cararo?

Comments

Popular posts from this blog

Safarkii aan ku soo maray caalamka iyo waxyaabihii cajiibka ahaa ee aan ku soo arkay!

Nin aan dhul marin dhaayo ma laha e, balwaddeydu waa safarka iyo dalxiiska. Sidii Ibnu-Baduudah ayaan ku soo wareegay shanta qaaradood ee caalamka. Waxaan tegay magaalooyinka dunida ugu caansan, waxaana la soo noolaaday xadaaradaha kala duwan ee bulshooyinka caalamka, waana sababta igu riixeysa in aan qormadaan kugula wadaago waxyaabihii iigu cajiibsanaa ee aan soo arkay. Waxaan ka duulay Muqdisho, waxaana tegay magaalada Kigaali ee dalka Rwanda. Markii aad eegto horumarka iyo muuqaalka Kigaali, caqligaadu wuu diidayaa in ay labaatan sano ka hor ku jireen dagaalla-sokeeye, ayna saddex bil gudahood isaga dileen dad ku dhow hal milyan. Rwanda waxay tusaale nool u tahay in uu dal walba ka soo kaban karo dhibaato kaste, haddii uu helo hoggaan fiican. Waxaan booqday magaalada Al-Aqsar(Luxor) ee dalka Masar oo aheed caasimaddii Boqortooyadii Fircooniga. Magaalada waxaa weli ku dambeeya raadkii Fircooniyiinta, oo ku xusuusinaya Fircoon oo Rabbinimo sheeganaya, Nabi Muuse oo uga digaya, i...

Banka Carafo

Waa duhur Sabti ah oo ay cadceeddu Carafo dul taagan tahay. Xujeey ka badan hal milyan iyo bar ayaa maanta taagan banka Carafo, oo 23KM dhanka bari uga beegan magaalada barakeysan ee Makka. Saakay ayay halkan u soo jarmaadeen. Daafadaha dunida ayay ka kala yimideen, si ay u gutaan tiirka 5ᵃᵃᵈ ee Arkaanta Islaamka ee Xajka. Waayeel uu sanadkan xajku ugu horreeyo oo sidaas riyadiisii ugu rumowday ayaa ku badan. Fursad dahabi ah oo marla'arag ah ayay maanta haystaan. Farxad ay la wada ilmaynayaan ayaana laga dheehan karaa wajiyadooda. Daqiiqado ka hor yay ka soo gaddoomeen Masjidka Carafo ee Namirah oo uu Sheekh Maahir Al-Muciiqili ugu jeediyay khudbada, oo loogu tarjumayay 20 luqadood, kuna tujiyay salaadaha duhurka iyo casirka oo ay soo gaabiyeen. Alle deeqsi ah oo naxariis iyo dambidhaaf badan ayay marti iyo magan u yihiin. Gacmaha ayay kor u wada taagayaan. Waji iyo qalbi khushuucsan ayay Alle ku baryayaan. Ruuxdooda iyo qalbiyadooda ayaa duceynaya inta uusan afkoodu duceynin. Wax...

Halgan Miradhalay!

Waxaan ku dhashay kuna soo barbaaray magaalada Dhuusamarreeb. Waxaan ka dhashay qoys danyar ah. Anigoo 10 jir ah ayaan soo galay Muqdisho, si aan u kaalmeeyo hooyadey oo agoonnimo nagu korinaysay. Waxaan shaqo ka billaabay in aan baabuurta dhaqo. Waxaa ii xigtay in aan darawal ka noqday gaari bas ah, oo aan taksiile uga sii dallacay. Kaddibna waxaan darawal u noqday maareeyihii Warshaddii Sifeynta Batroolka.  Horraantii 1990kii ayaan go'aansaday in aan dalka ka baxo oo aan Yurub u baadigoobo nolol fiican. Waxaan tikit u jartay magaalada Moscow ee dalka Ruushka, oo aan Finland uga sii tallaabayay. Lacag oo dhan waxaan haystay intii aan tikitka ku jartay. Waxaana $50 ku iibiyay sariirtii aan ku jiifan jiray, si aan jiscin uga sii dhigto.  Waxaan ka degay Moskow oo uu qabow daran ka jiray. Dhallinyaro muqallasiin ah ayaan la kulmay. Waxaan u sheegay reerka aan ahay, waxaana ka codsaday in ay dadkeyga igu raadiyaan. Labo nin ayay ii geeyeen. Si qurux badan ayay ii soo dhoweeyeen. ...